Pašynian stvaraje muzyčny hurt

Pieršy vystup adbudziecca 30 studzienia ŭ Jerevanie.

Nikoł Pašynian za barabanami. Skrynšot videa z kanała Pašyniana

Premjer-ministr Armienii Nikoł Pašynian stvaraje muzyčny hurt.

Pašynian apublikavaŭ u sacsietkach łahatyp i nazvu hurta — «Varčabend». Nazva składajecca ź pieršych dvuch składoŭ słova «premjer» na armianskaj movie i słova «bend».

Łahatyp, jaki apublikavaŭ Pašynian

16 studzienia Pašynian paviedamiŭ, što pieršy vystup kalektyvu adbudziecca 30 studzienia ŭ Jerevanie, piša «Suśpilnie». Miesca praviadzieńnia kancertu jon paabiacaŭ abviaścić dadatkova. Trapić na padzieju možna budzie paśla papiaredniaj rehistracyi.

«Zaprašaju na tancplacoŭku. My hrajem — vy tancujecie», — napisaŭ Pašynian.

U žniŭni 2025 hoda hazieta «Hraparak» pisała, što Nikoł Pašynian i jaho žonka Hanna Akapian pačali asvojvać muzyčnyja instrumienty, u pryvatnaści ihru na hitary i ŭdarnych. Paźniej premjer-ministr nieadnarazova publikavaŭ videa, na jakich hraje na ŭdarnych.

Kamientary da artykuła