Гэтай ноччу могуць не працаваць банкаўскія карткі
У ноч з 29 на 30 студзеня ў Беларусі магчымыя часовыя збоі ў працы банкаўскіх картак.
Паводле інфармацыі Белінвестбанка, з 3:00 да 4:00 раніцы 30 студзеня Банкаўскі працэсінгавы цэнтр будзе праводзіць планавыя тэхналагічныя работы. У гэты час могуць узнікаць кароткатэрміновыя перапынкі ў абслугоўванні трымальнікаў плацежных картак — як у крамах і сэрвісных арганізацыях, так і ў пунктах выдачы наяўных, банкаматах і прыладах самаабслугоўвання.
Пра магчымыя непрацяглыя перабоі ў абслугоўванні кліентаў таксама папярэдзіў Белаграпрамбанк.