Hetaj nočču mohuć nie pracavać bankaŭskija kartki
U noč z 29 na 30 studzienia ŭ Biełarusi mahčymyja časovyja zboi ŭ pracy bankaŭskich kartak.
Pavodle infarmacyi Bielinviestbanka, z 3:00 da 4:00 ranicy 30 studzienia Bankaŭski pracesinhavy centr budzie pravodzić płanavyja technałahičnyja raboty. U hety čas mohuć uźnikać karotkaterminovyja pierapynki ŭ absłuhoŭvańni trymalnikaŭ płaciežnych kartak — jak u kramach i servisnych arhanizacyjach, tak i ŭ punktach vydačy najaŭnych, bankamatach i pryładach samaabsłuhoŭvańnia.
Pra mahčymyja niepraciahłyja pieraboi ŭ absłuhoŭvańni klijentaŭ taksama papiaredziŭ Biełahraprambank.