Праз дзеянні пасажыра збіўся рух некаторых цягнікоў Беларускай чыгункі

Беларуская чыгунка паведаміла, што 12 лютага 2026 года цягнік №713 Віцебск — Мінск, які выехаў з Віцебска а 15:39 і павінен быў прыбыць у Мінск а 18:56, быў затрыманы на станцыі Жодзіна «праз супрацьпраўныя дзеянні аднаго з пасажыраў».

Здымак ілюстрацыйны. Фота: «Наша Ніва»

Паведамлялася, што праз гэта са станцыі Жодзіна цягнік адправіўся а 19:11 і меў прыбыць у Мінск прыкладна з гадзіннай затрымкай.

У сувязі з гэтым таксама змяніўся графік руху іншых цягнікоў:

— цягнік №6023 Крупкі — Мінск, які выехаў з Крупак а 17:19, прыбыў у сталіцу з затрымкай каля 35 хвілін;

— цягнік №719 Масква — Мінск, што адправіўся з Масквы ў 12:00, затрымаўся прыкладна на 25 хвілін.

Што за дзеянні з боку пасажыра выклікалі такі незвычайны збой у графіку, не паведамляецца.

Каментары да артыкула