Praź dziejańni pasažyra źbiŭsia ruch niekatorych ciahnikoŭ Biełaruskaj čyhunki

Biełaruskaja čyhunka paviedamiła, što 12 lutaha 2026 hoda ciahnik №713 Viciebsk — Minsk, jaki vyjechaŭ ź Viciebska a 15:39 i pavinien byŭ prybyć u Minsk a 18:56, byŭ zatrymany na stancyi Žodzina «praz supraćpraŭnyja dziejańni adnaho z pasažyraŭ».

Zdymak ilustracyjny. Fota: «Naša Niva»

Paviedamlałasia, što praz heta sa stancyi Žodzina ciahnik adpraviŭsia a 19:11 i mieŭ prybyć u Minsk prykładna z hadzinnaj zatrymkaj.

U suviazi z hetym taksama źmianiŭsia hrafik ruchu inšych ciahnikoŭ:

— ciahnik №6023 Krupki — Minsk, jaki vyjechaŭ z Krupak a 17:19, prybyŭ u stalicu z zatrymkaj kala 35 chvilin;

— ciahnik №719 Maskva — Minsk, što adpraviŭsia z Maskvy ŭ 12:00, zatrymaŭsia prykładna na 25 chvilin.

Što za dziejańni z boku pasažyra vyklikali taki niezvyčajny zboj u hrafiku, nie paviedamlajecca.

Kamientary da artykuła