У Расіі чыноўніца інсцэніравала сваю смерць і 13 гадоў хавалася ад правасуддзя
Мар'яна Ступіна займала пасаду першага намесніка міністра ЖКГ Астраханскай вобласці.
У 2012 годзе яе прысудзілі да 7 гадоў пазбаўлення волі за карупцыю. Аднак пасля прысуду Ступіна збегла ў Татарстан, піша Baza.
Жанчына адсочвала ў інтэрнэце навіны пра зніклых без вестак людзей і аднойчы ўбачыла, што ў Новасібірскай вобласці знайшлі цела жанчыны, падобнай на яе. Тады Мар'яна вырашыла дзейнічаць.
Яна накіравала свайго мужа на апазнанне цела, ён пацвердзіў, што загінулая — нібыта яго жонка, і справа была закрытая.
Пасля гэтага Мар'яна вярнулася ў Астраханскую вобласць і 13 гадоў вяла патаемны лад жыцця.
У 2026 годзе таемнае стала відавочным — следчыя органы высветлілі, што Ступіна жывая, адшукалі яе і адправілі ў калонію.