U Rasii čynoŭnica insceniravała svaju śmierć i 13 hadoŭ chavałasia ad pravasudździa
Marjana Stupina zajmała pasadu pieršaha namieśnika ministra ŽKH Astrachanskaj vobłaści.
U 2012 hodzie jaje prysudzili da 7 hadoŭ pazbaŭleńnia voli za karupcyju. Adnak paśla prysudu Stupina źbiehła ŭ Tatarstan, piša Baza.
Žančyna adsočvała ŭ internecie naviny pra źnikłych bieź viestak ludziej i adnojčy ŭbačyła, što ŭ Novasibirskaj vobłaści znajšli cieła žančyny, padobnaj na jaje. Tady Marjana vyrašyła dziejničać.
Jana nakiravała svajho muža na apaznańnie cieła, jon paćvierdziŭ, što zahinułaja — nibyta jaho žonka, i sprava była zakrytaja.
Paśla hetaha Marjana viarnułasia ŭ Astrachanskuju vobłaść i 13 hadoŭ viała patajemny ład žyćcia.
U 2026 hodzie tajemnaje stała vidavočnym — śledčyja orhany vyśvietlili, što Stupina žyvaja, adšukali jaje i adpravili ŭ kałoniju.