Трамп назваў ганьбай рашэнне «гэтых чортавых судоў»
Прэзідэнт ЗША Дональд Трамп назваў рашэнне Вярхоўнага суда аб прызнанні яго глабальных тарыфаў незаконнымі «ганьбай», аднак заявіў, што мае запасны план, піша CNN са спасылкай на свае крыніцы.
Дональд Трамп. Фота: Win McNamee/Getty Images
Падчас сняданку ў Белым доме 20 лютага з удзелам губернатараў Трамп выказаў абурэнне рашэннем суда, крытыкаваў суддзяў і ў адзін з момантаў нават сказаў «гэтыя чортавы суды». Пры гэтым ён запэўніў прысутных, што адміністрацыя гатовая да альтэрнатыўных шляхоў увядзення мытаў у выпадку адмены іх судом.
Па даных CNN, у апошнія тыдні Трамп у закрытых размовах абураўся затрымкай рашэння суда і змяняў меркаванне наконт яго выніку, часам сумняваючыся ў магчымым рашэнні, бо на карту пастаўлена шмат інтарэсаў.
Рашэнне Вярхоўнага суда ЗША 20 лютага прызнала незаконнымі шырокія мыты, уведзеныя Трампам на імпарт з іншых краін з выкарыстаннем закона аб міжнародных надзвычайных эканамічных паўнамоцтвах, што ставіць пад сумнеў законнасць гэтых тарыфаў.
Чытайце таксама:
Вярхоўны суд ЗША прыняў рашэнне аб адмене большасці тарыфаў, уведзеных Дональдам Трампам
«Яна была вельмі агрэсіўнай». Трамп распавёў, як пакараў Швейцарыю мытамі ў 39%
Трамп падпісаў указ аб павышэнні тарыфаў для краін, якія гандлююць з Іранам