Tramp nazvaŭ hańbaj rašeńnie «hetych čortavych sudoŭ»
Prezident ZŠA Donald Tramp nazvaŭ rašeńnie Viarchoŭnaha suda ab pryznańni jaho hłabalnych taryfaŭ niezakonnymi «hańbaj», adnak zajaviŭ, što maje zapasny płan, piša CNN sa spasyłkaj na svaje krynicy.
Donald Tramp. Fota: Win McNamee/Getty Images
Padčas śniadanku ŭ Biełym domie 20 lutaha z udziełam hubiernataraŭ Tramp vykazaŭ abureńnie rašeńniem suda, krytykavaŭ sudździaŭ i ŭ adzin z momantaŭ navat skazaŭ «hetyja čortavy sudy». Pry hetym jon zapeŭniŭ prysutnych, što administracyja hatovaja da alternatyŭnych šlachoŭ uviadzieńnia mytaŭ u vypadku admieny ich sudom.
Pa danych CNN, u apošnija tydni Tramp u zakrytych razmovach aburaŭsia zatrymkaj rašeńnia suda i źmianiaŭ mierkavańnie nakont jaho vyniku, časam sumniavajučysia ŭ mahčymym rašeńni, bo na kartu pastaŭlena šmat intaresaŭ.
Rašeńnie Viarchoŭnaha suda ZŠA 20 lutaha pryznała niezakonnymi šyrokija myty, uviedzienyja Trampam na impart ź inšych krain z vykarystańniem zakona ab mižnarodnych nadzvyčajnych ekanamičnych paŭnamoctvach, što stavić pad sumnieŭ zakonnaść hetych taryfaŭ.
Čytajcie taksama:
Viarchoŭny sud ZŠA pryniaŭ rašeńnie ab admienie bolšaści taryfaŭ, uviedzienych Donaldam Trampam
«Jana była vielmi ahresiŭnaj». Tramp raspavioŭ, jak pakaraŭ Šviejcaryju mytami ŭ 39%
Tramp padpisaŭ ukaz ab pavyšeńni taryfaŭ dla krain, jakija handlujuć ź Iranam