На Берасцейшчыне і Гродзеншчыне затрымалі кіраўнікоў буйных аграрных прадпрыемстваў
Службовыя асобы атрымлівалі грошы ад камерцыйнай фірмы за садзейнічанне ў закупках кармавых дабавак і арганізацыю пастаянных паставак мяса, паведамляе МУС.
Паводле следства, 46‑гадовы кіраўнік філіяла аднаго з найбуйнейшых прадпрыемстваў аграпрамысловага комплексу Гродзенскай вобласці атрымаў ад прадстаўніка камерцыйнай структуры хабар у асабліва буйным памеры.
Грошы служылі «падзякай» за арганізацыю закупак кармавых дабавак і бесперабойную адгрузку мяса свініны.
Следствам устаноўлены факты перадачы наяўных грошай прадстаўнікамі гэтай жа фірмы службовым асобам трох сельгасарганізацый Брэсцкай вобласці.
Агульная задакументаваная сума хабараў перавысіла 80 тысяч рублёў у эквіваленце.
Заведзены крымінальныя справы. Фігурантам пагражае да 15 гадоў пазбаўлення волі.