Na Bieraściejščynie i Hrodzienščynie zatrymali kiraŭnikoŭ bujnych ahrarnych pradpryjemstvaŭ
Słužbovyja asoby atrymlivali hrošy ad kamiercyjnaj firmy za sadziejničańnie ŭ zakupkach karmavych dabavak i arhanizacyju pastajannych pastavak miasa, paviedamlaje MUS.
Pavodle śledstva, 46‑hadovy kiraŭnik filijała adnaho z najbujniejšych pradpryjemstvaŭ ahrapramysłovaha kompleksu Hrodzienskaj vobłaści atrymaŭ ad pradstaŭnika kamiercyjnaj struktury chabar u asabliva bujnym pamiery.
Hrošy słužyli «padziakaj» za arhanizacyju zakupak karmavych dabavak i bieśpierabojnuju adhruzku miasa śvininy.
Śledstvam ustanoŭleny fakty pieradačy najaŭnych hrošaj pradstaŭnikami hetaj ža firmy słužbovym asobam troch sielhasarhanizacyj Bresckaj vobłaści.
Ahulnaja zadakumientavanaja suma chabaraŭ pieravysiła 80 tysiač rubloŭ u ekvivalencie.
Zaviedzieny kryminalnyja spravy. Fihurantam pahražaje da 15 hadoŭ pazbaŭleńnia voli.