Пад Рэчыцай «Рэно» сутыкнуўся з фурай: загінула маці з 9‑гадовым сынам
Сёння раніцай, каля паловы на дзявятую, на дарозе паміж Светлагорскам і Рэчыцай здарылася аварыя. 35‑гадовая жанчына на «Рэно Лагуна» не змагла ўтрымаць машыну на сваёй паласе. Аўтамабіль выкінула на сустрэчную, дзе ў гэты момант ехаў грузавік DAF.
Удар быў вельмі моцны. Жанчына-кіроўца і яе 9‑гадовы сын памерлі на месцы.
У аўтамабілі была яшчэ адная пасажырка, 57‑гадовая кабета — яна выжыла, але моцна пацярпела. Яе адвезлі ў рэчыцкую бальніцу, цяпер ёй дапамагаюць дактары.