Pad Rečycaj «Reno» sutyknuŭsia z furaj: zahinuła maci z 9‑hadovym synam
Siońnia ranicaj, kala pałovy na dziaviatuju, na darozie pamiž Śvietłahorskam i Rečycaj zdaryłasia avaryja. 35‑hadovaja žančyna na «Reno Łahuna» nie zmahła ŭtrymać mašynu na svajoj pałasie. Aŭtamabil vykinuła na sustrečnuju, dzie ŭ hety momant jechaŭ hruzavik DAF.
Udar byŭ vielmi mocny. Žančyna-kiroŭca i jaje 9‑hadovy syn pamierli na miescy.
U aŭtamabili była jašče adnaja pasažyrka, 57‑hadovaja kabieta — jana vyžyła, ale mocna paciarpieła. Jaje advieźli ŭ rečyckuju balnicu, ciapier joj dapamahajuć daktary.