Ізраіль разбамбіў будынак, дзе абіралі новага кіраўніка Ірана
Але Іран хваліцца, што ўсе 88 муджтахідаў змаглі ўцячы да ўдара.
Скрыншот з відэа
Ізраіль нанёс удар па 88 членах рады, якія праводзяць галасаванне па выбары наступнага вярхоўнага лідара Ірана, паведамляе агенцтва Tasnim. Пад атаку трапіў будынак офіса Рады экспертаў у іранскім горадзе Кум.
Паведамляецца, што ўсе людзі нібыта былі загадзя эвакуяваныя з офіса, і ніхто не пацярпеў.
Асамблея экспертаў па пытаннях лідарства — орган, які складаецца з 88 святароў (муджтахідаў). Яму належыць прызначыць новага Вярхоўнага лідара Ірана, які павінен замяніць забітага 28 лютага ў выніку ўдараў Ізраіля і ЗША 86‑гадовага аяталу Алі Хаменеі.
New York Times піша, што днём раней удар быў таксама нанесены па офісе Асамблеі, размешчаным у Тэгеране.
Чытайце таксама:
У выніку атрыманых раненняў памерла жонка аяталы Алі Хаменеі