Італія, Іспанія, Францыя і Нідэрланды накіруюць свае караблі для абароны Кіпра
Акрамя таго, Італія плануе накіраваць сродкі супрацьпаветранай абароны ў краіны Персідскага заліва ў адказ на паветраныя ўдары Ірана.
Днямі іранскі дрон атакаваў амерыканскую вайсковую базу на Кіпры. Фота: Alexis Mitas / Getty Images
Італія, Іспанія, Францыя і Нідэрланды накіруюць свае караблі для абароны Кіпра. Пра гэта заявіў міністр абароны Італіі Гвіда Кразета, перадае Reuters.
Газета El Pais удакладняе, што Іспанія накіруе свой фрэгат «Хрыстафор Калумб» разам з французскім авіяносцам «Шарль дэ Голь» і караблямі ВМС Грэцыі для забеспячэння абароны Кіпра.
Адначасова Францыя дазволіла амерыканскім ваенным самалётам часова выкарыстоўваць свае базы на Блізкім Усходзе. «Гэтыя самалёты спрыяюць абароне нашых партнёраў у Персідскім заліве», — заявіла прадстаўніца Генеральнага штаба Францыі.
Акрамя таго, Італія плануе накіраваць сродкі супрацьпаветранай абароны ў краіны Персідскага заліва ў адказ на паветраныя ўдары Ірана.
Паводле слоў прэм’ер-міністра Джорджы Мелоні, рашэнне продыктавана ў тым ліку прысутнасцю італьянскіх грамадзян у рэгіёне — у краінах Персідскага заліва жывуць дзясяткі тысяч італьянцаў і дыслакаваныя дзве тысячы вайскоўцаў.
«Гэта людзі, якіх мы хочам і павінны абараніць», — заявіла яна.