Italija, Ispanija, Francyja i Niderłandy nakirujuć svaje karabli dla abarony Kipra
Akramia taho, Italija płanuje nakiravać srodki supraćpavietranaj abarony ŭ krainy Piersidskaha zaliva ŭ adkaz na pavietranyja ŭdary Irana.
Dniami iranski dron atakavaŭ amierykanskuju vajskovuju bazu na Kipry. Fota: Alexis Mitas / Getty Images
Italija, Ispanija, Francyja i Niderłandy nakirujuć svaje karabli dla abarony Kipra. Pra heta zajaviŭ ministr abarony Italii Hvida Krazieta, pieradaje Reuters.
Hazieta El Pais udakładniaje, što Ispanija nakiruje svoj frehat «Chrystafor Kałumb» razam z francuzskim avijanoscam «Šarl de Hol» i karablami VMS Hrecyi dla zabieśpiačeńnia abarony Kipra.
Adnačasova Francyja dazvoliła amierykanskim vajennym samalotam časova vykarystoŭvać svaje bazy na Blizkim Uschodzie. «Hetyja samaloty spryjajuć abaronie našych partnioraŭ u Piersidskim zalivie», — zajaviła pradstaŭnica Hienieralnaha štaba Francyi.
Akramia taho, Italija płanuje nakiravać srodki supraćpavietranaj abarony ŭ krainy Piersidskaha zaliva ŭ adkaz na pavietranyja ŭdary Irana.
Pavodle słoŭ premjer-ministra Džordžy Miełoni, rašeńnie prodyktavana ŭ tym liku prysutnaściu italjanskich hramadzian u rehijonie — u krainach Piersidskaha zaliva žyvuć dziasiatki tysiač italjancaŭ i dysłakavanyja dźvie tysiačy vajskoŭcaŭ.
«Heta ludzi, jakich my chočam i pavinny abaranić», — zajaviła jana.