Шэсць чалавек загінулі на пажары ў аўтобусе ў Швейцарыі
Яшчэ тры чалавекі былі дастаўлены ў бальніцу з траўмамі.
Фота: State of Fribourg via Getty Images
Шэсць чалавек загінулі ў выніку пажару ў аўтобусе ў невялікім горадзе Керцэрс на захадзе Швейцарыі.
Яшчэ тры чалавекі былі дастаўлены ў бальніцу з траўмамі. Паліцыя не выключае наўмыснага падпалу і пачала крымінальнае расследаванне.
«Ратавальныя службы, якія прыбылі на месца, выявілі аўтобус, цалкам ахоплены агнём», — гаворыцца ў заяве рэгіянальнага ўрада.
У студзені Швейцарыю ўжо ўзрушыў буйны пажар у бары на гарналыжным курорце Кран-Мантана, у выніку якога загінуў 41 чалавек, а яшчэ 115 атрымалі раненні.