Šeść čałaviek zahinuli na pažary ŭ aŭtobusie ŭ Šviejcaryi
Jašče try čałavieki byli dastaŭleny ŭ balnicu z traŭmami.
Fota: State of Fribourg via Getty Images
Šeść čałaviek zahinuli ŭ vyniku pažaru ŭ aŭtobusie ŭ nievialikim horadzie Kiercers na zachadzie Šviejcaryi.
Jašče try čałavieki byli dastaŭleny ŭ balnicu z traŭmami. Palicyja nie vyklučaje naŭmysnaha padpału i pačała kryminalnaje rasśledavańnie.
«Ratavalnyja słužby, jakija prybyli na miesca, vyjavili aŭtobus, całkam achopleny ahniom», — havorycca ŭ zajavie rehijanalnaha ŭrada.
U studzieni Šviejcaryju ŭžo ŭzrušyŭ bujny pažar u bary na harnałyžnym kurorcie Kran-Mantana, u vyniku jakoha zahinuŭ 41 čałaviek, a jašče 115 atrymali ranieńni.