У Беларусі пабудуюць другі крэматорый
Ён з’явіцца ў Гомелі.
Адзіны ў краіне крэматорый цяпер працуе ў Мінску — на Паўночных могілках. Пра будаўніцтва ў Гомелі другога крэматорыя піша «Гомельская праўда».
У Гомельскім раёне каля Стукачоўкі будуюць новыя могілкі. У праект уключаны чатыры чэргі будаўніцтва. Акрамя традыцыйных пахаванняў, пад якія адвядуць 127 гектараў, плануецца ўзвядзенне крэматорыя і калумбарыя для урнаў з прахам.
Для размяшчэння крэматорыя з неабходнай інфраструктурай і калумбарыя прадугледжана 23 гектары.
Унутры крэматорыя будуць памяшканні для правядзення жалобных развітанняў, крэмацыі і адміністрацыйная зона.