U Biełarusi pabudujuć druhi krematoryj
Jon źjavicca ŭ Homieli.
Adziny ŭ krainie krematoryj ciapier pracuje ŭ Minsku — na Paŭnočnych mohiłkach. Pra budaŭnictva ŭ Homieli druhoha krematoryja piša «Homielskaja praŭda».
U Homielskim rajonie kala Stukačoŭki budujuć novyja mohiłki. U prajekt uklučany čatyry čerhi budaŭnictva. Akramia tradycyjnych pachavańniaŭ, pad jakija adviaduć 127 hiektaraŭ, płanujecca ŭźviadzieńnie krematoryja i kałumbaryja dla urnaŭ z pracham.
Dla raźmiaščeńnia krematoryja ź nieabchodnaj infrastrukturaj i kałumbaryja praduhledžana 23 hiektary.
Unutry krematoryja buduć pamiaškańni dla praviadzieńnia žałobnych raźvitańniaŭ, kremacyi i administracyjnaja zona.