«Ён вельмі слабы ў пытаннях бяспекі». Трамп пракаментаваў адстаўку кіраўніка Антытэрарыстычнага цэнтра
Прэзідэнт ЗША Дональд Трамп пракаментаваў адстаўку кіраўніка Нацыянальнага антытэрарыстычнага цэнтра ЗША Джо Кента, які звольніўся таму, што не падтрымлівае вайну з Іранам.
Дональд Трамп. Фота: AP Photo/Alex Brandon
«Я заўсёды лічыў яго добрым чалавекам, але заўсёды лічыў, што ён слабы ў пытаннях бяспекі, вельмі слабы ў пытаннях бяспекі.
Калі я прачытаў яго заяву, я зразумеў, што гэта добра, што ён пайшоў, таму што ён сказаў, што Іран не ўяўляў пагрозы. Іран уяўляў пагрозу, кожная краіна разумела, якой пагрозай быў Іран. Пытанне ў тым, хацелі яны нешта з гэтым рабіць ці не», — сказаў Трамп.
У сваёй заяве аб адстаўцы Джо Кент паведаміў:
«Я не магу з чыстым сумленнем падтрымліваць вайну ў Іране, якая працягваецца. Іран не ўяўляў непасрэднай пагрозы для нашай краіны, і відавочна, што мы пачалі гэту вайну пад ціскам Ізраіля і яго ўплывовага амерыканскага лобі».
Чытайце таксама:
Трамп заявіў, што ЗША больш не маюць патрэбы ў дапамозе краін НАТА
ЗША патрабуюць адстаўкі прэзідэнта Кубы
Трамп: Я да іх звяртаюся не таму, што яны нам патрэбныя, а хачу паглядзець на рэакцыю