«Jon vielmi słaby ŭ pytańniach biaśpieki». Tramp prakamientavaŭ adstaŭku kiraŭnika Antyterarystyčnaha centra
Prezident ZŠA Donald Tramp prakamientavaŭ adstaŭku kiraŭnika Nacyjanalnaha antyterarystyčnaha centra ZŠA Džo Kienta, jaki zvolniŭsia tamu, što nie padtrymlivaje vajnu ź Iranam.
Donald Tramp. Fota: AP Photo/Alex Brandon
«Ja zaŭsiody ličyŭ jaho dobrym čałaviekam, ale zaŭsiody ličyŭ, što jon słaby ŭ pytańniach biaśpieki, vielmi słaby ŭ pytańniach biaśpieki.
Kali ja pračytaŭ jaho zajavu, ja zrazumieŭ, što heta dobra, što jon pajšoŭ, tamu što jon skazaŭ, što Iran nie ŭjaŭlaŭ pahrozy. Iran ujaŭlaŭ pahrozu, kožnaja kraina razumieła, jakoj pahrozaj byŭ Iran. Pytańnie ŭ tym, chacieli jany niešta z hetym rabić ci nie», — skazaŭ Tramp.
U svajoj zajavie ab adstaŭcy Džo Kient paviedamiŭ:
«Ja nie mahu z čystym sumleńniem padtrymlivać vajnu ŭ Iranie, jakaja praciahvajecca. Iran nie ŭjaŭlaŭ niepasrednaj pahrozy dla našaj krainy, i vidavočna, što my pačali hetu vajnu pad ciskam Izraila i jaho ŭpłyvovaha amierykanskaha łobi».
Čytajcie taksama:
Tramp zajaviŭ, što ZŠA bolš nie majuć patreby ŭ dapamozie krain NATA
ZŠA patrabujuć adstaŭki prezidenta Kuby
Tramp: Ja da ich źviartajusia nie tamu, što jany nam patrebnyja, a chaču pahladzieć na reakcyju