«Еўрапейскія краіны не павінны закрывацца ад беларускіх грамадзян». Прэзідэнт Чэхіі пракаментаваў сустрэчу з Алесем Бяляцкім
Прэзідэнт Чэхіі Петр Павел напісаў на сваёй старонцы ў сацсетцы X уражанні пасля сустрэчы 16 сакавіка з беларускім праваабаронцам і былым палітвязнем, лаўрэатам Нобелеўскай прэміі міру Алесем Бяляцкім, піша «Вясна».
Петр Павел і Алесь Бяляцкі
«Меў гонар вітаць праваабаронцу і лаўрэата Нобелеўскай прэміі міру Алеся Бяляцкага, які несправядліва правёў больш за сем гадоў у беларускай турме.
Мы пагадзіліся, што санкцыі супраць беларускага рэжыму застаюцца дарэчнымі, пакуль ён працягвае змяшчаць у турму сваіх крытыкаў і жорстка падаўляць грамадзянскія свабоды.
Беларусы заслугоўваюць права свабодна і без знешняга ўмяшання вырашаць сваю будучыню. У гэтым кантэксце Алесь Бяляцкі таксама нагадаў, што еўрапейскія краіны не павінны закрывацца ад беларускіх грамадзян — толькі такім чынам беларусы змогуць пераадолець навязаную ім ізаляцыю», — напісаў Петр Павел.
Чытайце таксама:
Алесь Бяляцкі сустрэўся з прэзідэнтам Чэхіі
Бяляцкі вярнуўся ў фэйсбук: «Ніводнага дня ў турме я не шкадаваў за зробленае»
Бяляцкі: Эфектыўны ціск на Лукашэнку — эканамічныя, палітычныя санкцыі і непрызнанне выбараў