Бяляцкі вярнуўся ў фэйсбук: «Ніводнага дня ў турме я не шкадаваў за зробленае»
Лаўрэат Нобелеўскай прэміі міру, кіраўнік праваабарончага цэнтра «Вясна» і былы палітвязень Алесь Бяляцкі аднавіў свой акаўнт у фэйсбуку і ўпершыню пасля свайго вызвалення 13 снежня мінулага года зрабіў у ім допіс.
«02 сакавіка.
Не мінула і пяці гадоў…
Некалькі дзён, як аднавілі мне доступ да Фэйсбуку, а я ўсё прыглядаўся, не наважваўся вярнуцца туды, адкуль мяне дасталі ў ліпені 21-га.
Урэшце сёння адважыўся.
І напачатку хачу падзякаваць усім знаёмым і незнаёмым сяброўкам і сябрам, якія хваляваліся і перажывалі за мяне, рабілі, што маглі, каб дзень волі для мяне настаў раней.
Вялізная мая падзяка!
Я заўсёды ледзь не фізічна адчуваў магутную хвалю салідарнасці з волі і са мной і з іншымі палітвязнямі. З такой падтрымкаю псіхалагічна сядзець было камфортна, хоць і спалі «на бетоне», і хадзілі абы ў чым, і елі, што дадуць.
Ніводнага дня ў турме не быў я расчараваны, не пачуваўся пакінутым, не шкадаваў за зробленае.
Перакананы, што разам мы — моц, разам мы не прападзём, разам мы пераможам!», — напісаў Алесь Бяляцкі.
Бяляцкі: Эфектыўны ціск на Лукашэнку — эканамічныя, палітычныя санкцыі і непрызнанне выбараў
Алесю Бяляцкаму ў Осла ўручылі Нобелеўскі дыплом і знак лаўрэата
Бяляцкі ў тэксце для New York Times: Свет не павінен спісваць Беларусь як краіну, якая канчаткова адышла ў сферу ўплыву Расіі
Алесь Бяляцкі назваў, хто для яго маральны аўтарытэт
Што Бяляцкі расказаў пра турму, вайну, Нобелеўскую прэмію і будучыню Беларусі. Поўны тэкст інтэрв'ю
Каментары