Румыны зноў пачнуць выдаваць візы беларусам

Пасольства Румыніі ў Беларусі паведаміла, што адновіць выдачу шэнгенскіх віз з 1 красавіка. Аднак атрымаць іх змогуць не ўсе.

Пасольства Румыніі ў Беларусі. Фота: Яндэкс.Карты

Рэч у тым, што цяпер з-за вялікай колькасці зваротаў новыя заяўкі прымацца не будуць. Консульства будзе разглядаць толькі заяўкі, пададзеныя раней праз анлайн-платформы.

Калі з’явіцца магчымасць падаваць дакументы для ўсіх ахвотных, пакуль не паведамляецца.

Раней консульскі аддзел пасольства часова спыніў працу з 1 лютага. Пры гэтым грамадзянам Румыніі ў экстранных сітуацыях працягвалі аказваць дапамогу.

Па іншых пытаннях беларусам раілі звяртацца ў консульскія аддзелы Румыніі ў Маскве або Вільні.

Каментары да артыкула