Рыта Дакота анансавала канцэртны тур для эмігрантаў
Дакота распавяла, што перажыла цяжкі перыяд: дэпрэсію, страту сэнсаў і нават думкі пра тое, каб назаўсёды сысці з музыкі. Цяпер, паводле яе слоў, сілы вяртаюцца.
Рыта Дакота, фота з яе інстаграма
Пра старт тура Дакота распавяла ў Instagram:
«Я еду ў тур! Па свеце (пакуль толькі для эмігрантаў, але я вельмі ганаруся гэтай часткай аўдыторыі)».
«Нібы зноў пражываю тую самую юнацкасць, дзе ў мяне невялікія залы на ~500 чалавек, дзе я хвалююся так, што калені дрыжаць», — прызналася спявачка.
Рыта распавяла, што перажыла цяжкі перыяд: дэпрэсію, страту сэнсаў і нават думкі пра тое, каб назаўсёды сысці з музыкі. Цяпер, паводле яе слоў, сілы вяртаюцца.
Спявачка ўжо зноў пачала пісаць песні. Прычым не толькі «ў стол». Рыта запісвае іх у студыі. Гэта значыць, наперадзе новы матэрыял.
Сам тур таксама абяцае быць маштабным. Яго арганізуюць еўрапейскія прамоўтары, якія працуюць з «Манетачкай», «Нервамі» і іншымі вядомымі артыстамі.
Маршрут пачнецца ў ЗША з канцэртаў у Лос-Анджэлесе і Нью-Ёрку, а затым перамесціцца ў Еўропу.
Чытайце таксама:
Беларуская спявачка Рыта Дакота атрымала расійскае грамадзянства пасля ўварвання Расіі ва Украіну
Рыта Дакота набыла дом за некалькі мільёнаў даляраў каля Галівуда