У ізраільскіх Арадзе і Дзімоне — каля 200 пацярпелых у выніку трапляння іранскіх ракет
Іран нанёс ракетны ўдар па поўдні Ізраіля. У суботу вечарам іранскія балістычныя ракеты атакавалі гарады Дымона і Арад. Сістэмы СПА не змаглі перахапіць як мінімум два снарады, што прывяло да маштабных разбурэнняў і вялікай колькасці параненых.
У жылых кварталах Арада і Дымоны пашкоджаны шматкватэрныя дамы, успыхнулі пажары.
Медыкі паведамляюць пра амаль 200 параненых. Сярод іх 11 чалавек знаходзяцца ў цяжкім стане, у тым ліку 12‑гадовы хлопчык у Дымоне і 5‑гадовая дзяўчынка ў Арадзе. Большасць траўмаў выклікана асколкамі і абрушэннем будынкаў.
Іранскія СМІ заяўляюць, што мэтай быў ядзерны даследчы цэнтр каля Дымоны. Тэгеран назваў гэты ўдар помстай за атаку на іранскі ядзерны аб'ект у Натанзе.
Эскалацыя адбываецца ў межах вайны паміж ЗША, Ізраілем і Іранам, якая пачалася 28 лютага 2026 года.