U izrailskich Aradzie i Dzimonie — kala 200 paciarpiełych u vyniku traplańnia iranskich rakiet
Iran nanios rakietny ŭdar pa poŭdni Izraila. U subotu viečaram iranskija balistyčnyja rakiety atakavali harady Dymona i Arad. Sistemy SPA nie zmahli pierachapić jak minimum dva snarady, što pryviało da maštabnych razbureńniaŭ i vialikaj kolkaści paranienych.
U žyłych kvartałach Arada i Dymony paškodžany šmatkvaternyja damy, uspychnuli pažary.
Miedyki paviedamlajuć pra amal 200 paranienych. Siarod ich 11 čałaviek znachodziacca ŭ ciažkim stanie, u tym liku 12‑hadovy chłopčyk u Dymonie i 5‑hadovaja dziaŭčynka ŭ Aradzie. Bolšaść traŭmaŭ vyklikana askołkami i abrušeńniem budynkaŭ.
Iranskija ŚMI zajaŭlajuć, što metaj byŭ jadzierny daśledčy centr kala Dymony. Tehieran nazvaŭ hety ŭdar pomstaj za ataku na iranski jadzierny abjekt u Natanzie.
Eskałacyja adbyvajecca ŭ miežach vajny pamiž ZŠA, Izrailem i Iranam, jakaja pačałasia 28 lutaha 2026 hoda.