За мінулы год насельніцтва Беларусі скарацілася яшчэ на 53 тысячы чалавек
Кожны год краіна страчвае па буйным раённым цэнтры. І гэта без уліку тых сотняў тысяч, хто з'ехаў у эміграцыю.
Мінск, ілюстрацыйны здымак
Па стане на 1 студзеня 2026 года ў Беларусі жылі 9 056 080 чалавек. Паводле падлікаў Белстата, за год насельніцтва скарацілася на 53 200 чалавек.
Падобная хуткасць адтоку фіксуецца ўсе апошнія гады.
Змяшчэнне колькасці насельніцтва Беларусі
- за 2025 — на 53 тысячы
- за 2024 — на 47 тысяч
- за 2023 — на 45 тысяч
- за 2022 — на 55 тысяч
- за 2021 — на 94 тысячы
- за 2020 — на 61 тысячу.
Аднак трэба разумець, што афіцыйная статыстыка па-ранейшаму працягвае лічыць жыхарамі Беларусі тых, хто выехаў з краіны, але мае тут рэгістрацыю. Рэальная колькасць насельніцтва нашмат меншая.
Максімальна ў краіне жыло 10 мільёнаў 243 тысячы ў 1994 годзе, потым колькасць стала зніжацца. У 2001 апусцілася ніжэй за 10 мільёнаў, у 2010‑м — ніжэй за 9,5 мільёна.