Za minuły hod nasielnictva Biełarusi skaraciłasia jašče na 53 tysiačy čałaviek
Kožny hod kraina stračvaje pa bujnym rajonnym centry. I heta biez uliku tych sotniaŭ tysiač, chto źjechaŭ u emihracyju.
Minsk, ilustracyjny zdymak
Pa stanie na 1 studzienia 2026 hoda ŭ Biełarusi žyli 9 056 080 čałaviek. Pavodle padlikaŭ Biełstata, za hod nasielnictva skaraciłasia na 53 200 čałaviek.
Padobnaja chutkaść adtoku fiksujecca ŭsie apošnija hady.
Źmiaščeńnie kolkaści nasielnictva Biełarusi
- za 2025 — na 53 tysiačy
- za 2024 — na 47 tysiač
- za 2023 — na 45 tysiač
- za 2022 — na 55 tysiač
- za 2021 — na 94 tysiačy
- za 2020 — na 61 tysiaču.
Adnak treba razumieć, što aficyjnaja statystyka pa-raniejšamu praciahvaje ličyć žycharami Biełarusi tych, chto vyjechaŭ z krainy, ale maje tut rehistracyju. Realnaja kolkaść nasielnictva našmat mienšaja.
Maksimalna ŭ krainie žyło 10 miljonaŭ 243 tysiačy ŭ 1994 hodzie, potym kolkaść stała źnižacca. U 2001 apuściłasia nižej za 10 miljonaŭ, u 2010‑m — nižej za 9,5 miljona.