На наступным тыдні рэзка пахаладае
Сіноптык Дзмітрый Рабаў у эфіры АНТ папярэдзіў, што на наступным тыдні, з 30 сакавіка па 5 красавіка, у Беларусі рэзка пахаладае — тэмпература знізіцца прыкладна на 7—10 градусаў. Дадатковае адчуванне холаду прынясуць паўночныя вятры, таму цёплае адзенне зноў спатрэбіцца. Уначы і раніцай магчымыя замаразкі і галалёд.
Здымак ілюстрацыйны. Фота: Lookby.media
У панядзелак у асноўным будзе суха, толькі на ўсходзе і паўднёвым усходзе пройдуць дажджы. Ноччу ад -1 да +5, удзень каля +10…+15.
У аўторак надвор’е сапсуецца: у большасці раёнаў чакаюцца ападкі, асабліва на ўсходзе. Тэмпература ноччу -1…+4, днём +6…+14.
У сераду прыйдзе балтыйскі цыклон, які прынясе дажджы і пахмурнае надвор’е. Ноччу -1…+3, удзень прыкладна +4…+11.
У чацвер на захадзе зноў магчымыя дажджы, будзе воблачна з праясненнямі. Ноччу -1…+4, днём +3…+11.
У пятніцу чарговы фронт прынясе ападкі пераважна на паўднёвы ўсход. Ноччу -1…+3, удзень +5…+12.
На выхадных надвор’е будзе найбольш непрыемным: у суботу чакаюцца мокры снег і дажджы, тэмпература ўдзень усяго +1…+7.
У нядзелю паступова пачне паляпшацца: ападкі яшчэ магчымыя, але цыклон будзе адыходзіць. Ноччу -1…+3, удзень каля +3…+10.
Чытайце таксама:
Над Мазыром і Магілёвам заўважылі незвычайныя аблокі, падобныя да НЛА ФОТАФАКТ
Амаль па ўсёй Беларусі абмежавалі доступ у лясы
«Звычайна ўжо раніцай 60 чалавек было». У Мінску збіраецца вялікая чарга па бярозавы сок