Na nastupnym tydni rezka pachaładaje

Sinoptyk Dźmitryj Rabaŭ u efiry ANT papiaredziŭ, što na nastupnym tydni, z 30 sakavika pa 5 krasavika, u Biełarusi rezka pachaładaje — tempieratura źnizicca prykładna na 7—10 hradusaŭ. Dadatkovaje adčuvańnie choładu pryniasuć paŭnočnyja viatry, tamu ciopłaje adzieńnie znoŭ spatrebicca. Unačy i ranicaj mahčymyja zamarazki i hałalod.

Zdymak ilustracyjny. Fota: Lookby.media

U paniadziełak u asnoŭnym budzie sucha, tolki na ŭschodzie i paŭdniovym uschodzie projduć daždžy. Nočču ad -1 da +5, udzień kala +10…+15.

U aŭtorak nadvorje sapsujecca: u bolšaści rajonaŭ čakajucca apadki, asabliva na ŭschodzie. Tempieratura nočču -1…+4, dniom +6…+14.

U sieradu pryjdzie bałtyjski cykłon, jaki pryniasie daždžy i pachmurnaje nadvorje. Nočču -1…+3, udzień prykładna +4…+11.

U čaćvier na zachadzie znoŭ mahčymyja daždžy, budzie vobłačna z prajaśnieńniami. Nočču -1…+4, dniom +3…+11.

U piatnicu čarhovy front pryniasie apadki pieravažna na paŭdniovy ŭschod. Nočču -1…+3, udzień +5…+12.

Na vychadnych nadvorje budzie najbolš niepryjemnym: u subotu čakajucca mokry śnieh i daždžy, tempieratura ŭdzień usiaho +1…+7.

U niadzielu pastupova pačnie palapšacca: apadki jašče mahčymyja, ale cykłon budzie adychodzić. Nočču -1…+3, udzień kala +3…+10.

Kamientary da artykuła