У Валожынскім раёне загінуў 20‑гадовы кіроўца — ён урэзаўся ў апору моста
Трагедыя адбылася сёння раніцай, 30 сакавіка, на аўтадарозе Маладзечна-Валожын. Малады чалавек на аўтамабілі Audi не справіўся з кіраваннем.
Паводле папярэдняй інфармацыі, каля 08:00 на 31‑м кіламетры трасы 20‑гадовы кіроўца Audi А4 страціў кантроль над машынай.
Аўтамабіль вылецеў з дарогі і на вялікай хуткасці ўрэзаўся ў бетонную апору моста.
Удар быў такой сілы, што малады чалавек памёр на месцы здарэння яшчэ да прыезду медыкаў.