U Vałožynskim rajonie zahinuŭ 20‑hadovy kiroŭca — jon urezaŭsia ŭ aporu mosta
Trahiedyja adbyłasia siońnia ranicaj, 30 sakavika, na aŭtadarozie Maładziečna-Vałožyn. Małady čałaviek na aŭtamabili Audi nie spraviŭsia z kiravańniem.
Pavodle papiaredniaj infarmacyi, kala 08:00 na 31‑m kiłamietry trasy 20‑hadovy kiroŭca Audi A4 straciŭ kantrol nad mašynaj.
Aŭtamabil vylecieŭ z darohi i na vialikaj chutkaści ŭrezaŭsia ŭ bietonnuju aporu mosta.
Udar byŭ takoj siły, što małady čałaviek pamior na miescy zdareńnia jašče da pryjezdu miedykaŭ.