У Вільні пакажуць прэм’еру фільма пра Алеся Бяляцкага
8 красавіка а 19:30 у віленскім кінатэатры «Skalvija» адбудзецца прэм’ера дакументальнага фільма Bialiatski / Unbroken, прысвечанага беларускаму праваабаронцу, дысідэнту і лаўрэату Нобелеўскай прэміі міру Алесю Бяляцкаму.
Стваральнікі стужкі паказваюць гісторыю чалавека, якога часта называюць «Усходнееўрапейскім Нэльсанам Мандэлам». Праз успаміны блізкіх і паплечнікаў раскрываецца не толькі ягоная барацьба з аўтарытарнай сістэмай, але і асабістае — падтрымка, любоў і салідарнасць.
Асобная частка фільма знятая ў Вільні — тут зафіксаваныя першыя дні волі Бяляцкага пасля доўгай разлукі з сям’ёй.
Пасля паказу адбудзецца дыскусія з камандай фільма.
Прэм'ера адбудзецца 8 красавіка, 19:30, кінатэатр «Skalvija» (Goštauto g. 2). Квіткі можна набыць тут.