U Vilni pakažuć premjeru filma pra Alesia Bialackaha
8 krasavika a 19:30 u vilenskim kinateatry «Skalvija» adbudziecca premjera dakumientalnaha filma Bialiatski / Unbroken, pryśviečanaha biełaruskamu pravaabaroncu, dysidentu i łaŭreatu Nobieleŭskaj premii miru Alesiu Bialackamu.
Stvaralniki stužki pakazvajuć historyju čałavieka, jakoha časta nazyvajuć «Uschodniejeŭrapiejskim Nelsanam Mandełam». Praz uspaminy blizkich i paplečnikaŭ raskryvajecca nie tolki jahonaja baraćba z aŭtarytarnaj sistemaj, ale i asabistaje — padtrymka, luboŭ i salidarnaść.
Asobnaja častka filma źniataja ŭ Vilni — tut zafiksavanyja pieršyja dni voli Bialackaha paśla doŭhaj razłuki ź siamjoj.
Paśla pakazu adbudziecca dyskusija z kamandaj filma.
Premjera adbudziecca 8 krasavika, 19:30, kinateatr «Skalvija» (Goštauto g. 2). Kvitki možna nabyć tut.