Трамп паабяцаў Венгрыі росквіт, калі ва ўладзе застанецца Орбан
«Мы рады інвеставаць у будучы росквіт, які будзе забяспечаны дзякуючы далейшаму кіраўніцтву Орбана», — напісаў прэзідэнт ЗША.
Фота: Krisztian Bocsi / Bloomberg via Getty Images
«Мая адміністрацыя гатова выкарыстаць усю эканамічную моц ЗША для ўмацавання эканомікі Венгрыі, як мы гэта рабілі для нашых вялікіх саюзнікаў у мінулым, калі ў прэм’ер-міністра Орбана і венгерскага народа будзе патрэба ў такой дапамозе. Мы рады інвеставаць у будучы росквіт, які будзе забяспечаны дзякуючы далейшаму кіраўніцтву Орбана», — напісаў прэзідэнт ЗША у сваёй сацсетцы Truth Social.
Парламенцкія выбары ў Венгрыі пройдуць заўтра, 12 красавіка. Орбан знаходзіцца ва ўладзе з 2010 года.
На гэтым тыдні Будапешт наведаў віцэ-прэзідэнт ЗША Джэй Дзі Вэнс, які сустрэўся з Орбанам, што было ўспрынята як знак падтрымкі з боку Белага дома.