Tramp paabiacaŭ Vienhryi roskvit, kali va ŭładzie zastaniecca Orban
«My rady inviestavać u budučy roskvit, jaki budzie zabiaśpiečany dziakujučy dalejšamu kiraŭnictvu Orbana», — napisaŭ prezident ZŠA.
Fota: Krisztian Bocsi / Bloomberg via Getty Images
«Maja administracyja hatova vykarystać usiu ekanamičnuju moc ZŠA dla ŭmacavańnia ekanomiki Vienhryi, jak my heta rabili dla našych vialikich sajuźnikaŭ u minułym, kali ŭ premjer-ministra Orbana i vienhierskaha naroda budzie patreba ŭ takoj dapamozie. My rady inviestavać u budučy roskvit, jaki budzie zabiaśpiečany dziakujučy dalejšamu kiraŭnictvu Orbana», — napisaŭ prezident ZŠA u svajoj sacsietcy Truth Social.
Parłamienckija vybary ŭ Vienhryi projduć zaŭtra, 12 krasavika. Orban znachodzicca va ŭładzie z 2010 hoda.
Na hetym tydni Budapiešt naviedaŭ vice-prezident ZŠA Džej Dzi Vens, jaki sustreŭsia z Orbanam, što było ŭspryniata jak znak padtrymki z boku Biełaha doma.