Расійскія дроны ўдарылі па Чаркасах, загінула дзіця
Ва ўкраінскіх Чаркасах у выніку ўдару расійскага дрона загінуў васьмігадовы хлопчык, паведаміў кіраўнік Чаркаскай абласной вайсковай адміністрацыі Ігар Табурэц.
Акрамя таго, пацярпелі іншыя людзі: спачатку паведамлялася пра дзевяць шпіталізаваных, у тым ліку яшчэ адно дзіця. Пазней колькасць параненых узрасла да 14 чалавек.
Яшчэ траім жыхарам медыцынскую дапамогу аказалі на месцы.
Падчас паветранай атакі былі пашкоджаны як мінімум чатыры шматпавярховыя дамы. Абставіны і маштаб разбурэнняў удакладняюцца.
Чытайце таксама:
У выніку расійскага ўдару па Дняпры загінулі чатыры чалавекі, 25 параненых
Расіяне ў велікодную ноч атакавалі дронам хуткую на Сумшчыне — пацярпелі трое медыкаў
Чаму Расія атакуе Украіну «шахедамі» ўдзень: змена тактыкі з мэш-сістэмамі і палёты «статкамі»