Расіяне ў велікодную ноч атакавалі дронам хуткую на Сумшчыне — пацярпелі трое медыкаў
У велікодную ноч на 12 красавіка расійскія войскі атакавалі медыцынскі аўтамабіль у Глухаўскай грамадзе Сумскай вобласці. Пра гэта паведаміў начальнік Сумскай АВА Алег Грыгараў.
Паводле ўладаў Сумшчыны, расійскі беспілотнік пацэліў у медыцынскі транспарт, у выніку чаго трое медыкаў атрымалі раненні. Ім аператыўна аказалі дапамогу. Пагрозы жыццю няма.
Гэты інцыдэнт, а таксама шэраг іншых атак адбыліся пасля афіцыйнага абвяшчэння Уладзімірам Пуціным «велікоднага перамір'я», якое павінна было пачацца а 16:00 11 красавіка і працягвацца да канца сутак 12 красавіка.
Генеральны штаб УСУ паведаміў, што пасля вызначанага часу зафіксавана 469 выпадкаў парушэння рэжыму спынення агню з боку РФ. Расійскія войскі здзейснілі 22 штурмавыя дзеянні, 153 артылерыйскія абстрэлы і выкарысталі амаль 300 ударных дронаў.
Акрамя ўдару на Сумшчыне, аналітыкі DeepState зафіксавалі атаку FPV-дронамі на эвакуацыйную групу з украінскімі параненымі каля ГуляйполяЗапарожскай вобласці ўвечары 11 красавіка. Паводле звестак маніторынгавага праекта, група была знішчана падчас выканання задач па эвакуацыі параненых.
Цяпер чытаюць
«Яна гадамі цярпела, а пасля адзін раз ударыла мужа нажом — гэтага хапіла, каб забіць»2
Каментары
"Беларусь дапамагала Расіі выратаваць ваеннапалонных Расейскіх салдат з украінскага палону, што яшчэ раз падкрэслівае гатовасць нас дапамагаць Брацкай Краіне. Таксама нашы лекары дапамаглі ратаваць Рускіх пасля жорсткіх нападаў украіны. Негледзячы на гэта, Беларусь прытрымлівацца максімальнага нейтралітэту, і будзе аднолькава ставіцца як да пазіцыі Расіі, так і украіны.-0-"
(belta.by)