МВФ зноў пагоршыў прагноз росту ВУП Беларусі
Міжнародны валютны фонд у красавіцкай версіі свайго рэгулярнага даклада «Перспектывы сусветнай эканомікі» панізіў прагноз росту беларускай эканомікі на бягучы год, піша Myfin.by.
Здымак ілюстрацыйны. Фота: «Наша Ніва»
Ацэнка росту ВУП Беларусі на 2026 год, прапанаваная аналітыкамі МВФ, зніжаная на 0,2 працэнтнага пункта ў параўнанні з кастрычніцкім рэлізам — да 1,2%.
Пры гэтым прагноз інфляцыі палепшаны: яна чакаецца на ўзроўні 6,4%, што на 1,1 працэнтнага пункта ніжэй за папярэднюю ацэнку.
Таксама для Беларусі дэфіцыт балансу бягучага рахунку, паводле разлікаў МВФ, складзе 2,7% ВУП. Узровень беспрацоўя захаваецца на адзнацы 2,9%.
На 2027 год фонд прагназуе рост беларускай эканомікі на 1%, інфляцыю на ўзроўні 6,2%, а дэфіцыт бягучага рахунку ў памеры 3,4% ВУП. Беспрацоўе, як чакаецца, застанецца на ранейшым узроўні — 2,9%.
Раней кіраўнікі МВФ, Сусветнага банка і Міжнароднага энергетычнага агенцтва ў сваёй сумеснай заяве адзначылі, што свет уваходзіць у працяглы перыяд высокіх цэн на паліва.
Чытайце таксама:
Эканамічны рост Польшчы аслабіў планы краіны на ўвядзенне еўра замест злотага
Кітай хоча стаць тэхналагічным лідарам свету — але праблемы ў эканоміцы толькі растуць