MVF znoŭ pahoršyŭ prahnoz rostu VUP Biełarusi
Mižnarodny valutny fond u krasavickaj viersii svajho rehularnaha dakłada «Pierśpiektyvy suśvietnaj ekanomiki» paniziŭ prahnoz rostu biełaruskaj ekanomiki na biahučy hod, piša Myfin.by.
Zdymak ilustracyjny. Fota: «Naša Niva»
Acenka rostu VUP Biełarusi na 2026 hod, prapanavanaja analitykami MVF, źnižanaja na 0,2 pracentnaha punkta ŭ paraŭnańni z kastryčnickim relizam — da 1,2%.
Pry hetym prahnoz inflacyi palepšany: jana čakajecca na ŭzroŭni 6,4%, što na 1,1 pracentnaha punkta nižej za papiaredniuju acenku.
Taksama dla Biełarusi deficyt bałansu biahučaha rachunku, pavodle raźlikaŭ MVF, składzie 2,7% VUP. Uzrovień biespracoŭja zachavajecca na adznacy 2,9%.
Na 2027 hod fond prahnazuje rost biełaruskaj ekanomiki na 1%, inflacyju na ŭzroŭni 6,2%, a deficyt biahučaha rachunku ŭ pamiery 3,4% VUP. Biespracoŭje, jak čakajecca, zastaniecca na raniejšym uzroŭni — 2,9%.
Raniej kiraŭniki MVF, Suśvietnaha banka i Mižnarodnaha enierhietyčnaha ahienctva ŭ svajoj sumiesnaj zajavie adznačyli, što śviet uvachodzić u praciahły pieryjad vysokich cen na paliva.
Čytajcie taksama:
Ekanamičny rost Polščy asłabiŭ płany krainy na ŭviadzieńnie jeŭra zamiest złotaha
Kitaj choča stać technałahičnym lidaram śvietu — ale prablemy ŭ ekanomicy tolki rastuć