Расіяне правялі атаку дронамі на Чарнігаў, загінуў падлетак

Уначы 19 красавіка Чарнігаў трапіў пад масаваную атаку расійскіх беспілотнікаў. У выніку ўдару загінуў 16‑гадовы падлетак. Таксама вядома пра чатырох пацярпелых: гэта тры жанчыны (86, 54 і 50 гадоў) і 75‑гадовы мужчына.

Паведамляецца, што ўдары былі нанесеныя па розных аб’ектах горада — навучальнай установе, прыватных жылых дамах у розных раёнах, а таксама па нядзейнай медыцынскай установе. У выніку атак узніклі пажары, зафіксаваны разбурэнні і пашкоджанні.

Як паведаміў начальнік Чарнігаўскай гарадской вайсковай адміністрацыі Дзмітрый Брыжынскі, падчас атакі пашкоджана 7 прыватных дамоў (з іх 3 знішчаныя агнём), адміністрацыйны будынак, установа адукацыі і аўтамабілі.

На месцах працуюць паліцыя, выбухатэхнікі і іншыя экстранныя службы.

Каментары да артыкула