Rasijanie praviali ataku dronami na Čarnihaŭ, zahinuŭ padletak
Unačy 19 krasavika Čarnihaŭ trapiŭ pad masavanuju ataku rasijskich bieśpiłotnikaŭ. U vyniku ŭdaru zahinuŭ 16‑hadovy padletak. Taksama viadoma pra čatyroch paciarpiełych: heta try žančyny (86, 54 i 50 hadoŭ) i 75‑hadovy mužčyna.
Paviedamlajecca, što ŭdary byli naniesienyja pa roznych abjektach horada — navučalnaj ustanovie, pryvatnych žyłych damach u roznych rajonach, a taksama pa niadziejnaj miedycynskaj ustanovie. U vyniku atak uźnikli pažary, zafiksavany razbureńni i paškodžańni.
Jak paviedamiŭ načalnik Čarnihaŭskaj haradskoj vajskovaj administracyi Dźmitryj Bryžynski, padčas ataki paškodžana 7 pryvatnych damoŭ (ź ich 3 źniščanyja ahniom), administracyjny budynak, ustanova adukacyi i aŭtamabili.
Na miescach pracujuć palicyja, vybuchatechniki i inšyja ekstrannyja słužby.
Čytajcie taksama:
Rasijskija drony dziejničajuć va Ukrainie praź biełaruski roŭminh
U HUR zajavili, što Rasija rychtuje viasnova-letni nastup i choča zachapić Danbas da vieraśnia
Rasijskija drony ŭdaryli pa Čarkasach, zahinuła dzicia
Čamu Rasija atakuje Ukrainu «šachiedami» ŭdzień: źmiena taktyki z meš-sistemami i paloty «statkami»