Алесь Бяляцкі сустрэўся з прэзідэнтам Польшчы Каралем Наўроцкім
22 красавіка ў Варшаве прэзідэнт Польшчы Караль Наўроцкі сустрэўся з беларускім праваабаронцам, нобелеўскім лаўрэатам Алесем Бяляцкім, паведамляе «Вясна».
Фота: канцылярыя прэзідэнта Польшчы
Напярэдадні стала вядома, што беларускі праваабарончы цэнтр «Вясна» адкрывае офіс у Варшаве. Пасля эвакуацыі з Беларусі ў 2021 годзе праваабаронцы працавалі ў Вільні. Цяпер, паводле слоў Алеся Бяляцкага, пляцовак будзе дзве — у Вільні і Варшаве.
Фота: канцылярыя прэзідэнта Польшчы
Фота: канцылярыя прэзідэнта Польшчы
Падчас сустрэчы Караль Наўроцкі і Алесь Бяляцкі абмяняліся падарункамі. Бяляцкі прэзентаваў прэзідэнту Польшчы кнігі беларускіх пісьменнікаў, а ў адказ атрымаў ад Наўроцкага мініяцюру з выявай Тадэвуша Касцюшкі.
Фота: «Вясна»
Фота: «Вясна»
Перад гэтым Алесь Бяляцкі сустрэўся з маршалкам Сената Польшчы Малгажатай Кідава-Блоньскай. Падчас яе Кідава-Блоньска падкрэсліла, што не забывае пра беларускіх палітвязняў, у тым ліку пра Анджэя Пачобута, і працягвае падтрымліваць іх. Таксама Бяляцкаму перадалі пастанову Сената Польшчы, прынятую да пятай гадавіны зняволення Анджэя Пачобута.
Чытайце таксама:
Праваабарончы цэнтр «Вясна» адкрыў дадатковы офіс у Варшаве
У Варшаўскім універсітэце пройдзе сустрэча з Алесем Бяляцкім