Пастрожылі правілы працы таксі
Аляксандр Лукашэнка падпісаў указ «Аб аўтамабільных перавозках пасажыраў у нерэгулярным спалучэнні», які карэктуе правілы ў гэтай сферы ў бок іх пастрожвання.
Здымак ілюстрацыйны. Фота з сацсетак
Дакумент пашырае пералік звестак, якія абавязкова павінны ўносіцца ў спецыяльны рэестр перавозчыкаў. Калі патрабаванай інфармацыі няма, дзейнасць будзе лічыцца незаконнай.
Таксама ўводзяцца новыя падставы для прыпынення працы перавозчыкаў. Сярод іх — непадача падатковай дэкларацыі, запазычанасці па падатках або падача недакладных звестак. Гэта зроблена, каб змагацца з фірмамі-аднадзёнкамі.
Акрамя таго, забараняецца выкарыстоўваць транспарт тых перавозчыкаў, якіх выключылі з рэестра за парушэнні. Вярнуцца ў рэестр яны змогуць не раней чым праз тры месяцы.
Яшчэ адна зменa — пашыраны спіс перавозак, на якія не распаўсюджваюцца ранейшыя правілы, вызначаныя ўказам ад 25 студзеня 2024 года № 32 «Аб аўтамабільных перавозках пасажыраў».
Чытайце таксама:
Усе аўтобусы абавязалі мець сістэмы відэафіксацыі і рамяні бяспекі для пасажыраў
Ці абавязкова ў грамадскім транспарце здымаць заплечнікі?
Што зменіцца ў працы маршрутак — асноўныя новаўвядзенні
«А людзей спытаць?» Адны клянуць Лукашэнку за намер ліквідаваць маршруткі, іншыя хваляць