Пасля відэазвароту выкладчыка БДУІР да Лукашэнкі ўніверсітэт агучыў свае сярэднія заробкі
Кіраўніцтва БДУІР вырашыла публічна пракаментаваць сітуацыю з аплатай працы ў ВНУ. Прычынай, паводле каментара адміністрацыі, сталі «дыскусіі ў інфаполі». Імаверна, гутарка ідзе пра відэазварот выкладчыка Дзмітрыя Аношкі, які расказаў пра свой заробак у 87 рублёў.
Прэс-служба ўніверсітэта падала статыстыку:
2 960,75 рублёў — сярэдні заробак прафесарска-выкладчыцкага складу за 2025 год.
Гэта на 9,9% вышэй за сярэдні па краіне, падкрэслівае прэс-служба.
У ВНУ даводзяць, што рост даходаў звязаны з «нарошчванне экспартных праектаў» і выкананнем дзяржаўных задач. А апошні раз пытанне стымулявання працы разглядалася Радай універсітэта ў сакавіку 2026 года.
Гэта інфармацыя з’явілася пасля публікацыі звароту Дзмітрыя Аношкі да Аляксандра Лукашэнкі. У сваім відэа ён прадэманстраваў выпіску з банкаўскага рахунку, дзе яго заробак за лістапад 2025 года склаў усяго 87 рублёў.