У Магілёве пасля гібелі работніка атракцыёна завялі крымінальную справу супраць дырэктара
Магілёўскі міжраённы аддзел Следчага камітэта завёў крымінальную справу ў дачыненні да 56‑гадовага дырэктара арганізацыі адпачынку і забаў, дзе загінуў 18‑гадовы стажор.
Справу пачалі паводле артыкула аб службовай халатнасці, якая з неасцярожнасці пацягнула смерць чалавека.
Як паведамлялася раней, трагедыя адбылася 1 мая на атракцыёне ў Магілёве. Малады чалавек праходзіў навучанне на пасаду аператара атракцыёнаў. Падчас працы ён дапамагаў наведвальніку бяспечна пакінуць карусель і не зафіксаваў працоўны механізм. У гэты момант яго зачапіла рухомая частка атракцыёна.
У выніку інцыдэнту хлопец атрымаў цяжкую траўму галавы і памёр.
Асноўнай версіяй здарэння лічыцца парушэнне правіл тэхнікі бяспекі.
Чытайце таксама:
У Магілёве ў парку атракцыёнам забіла 18‑гадовага работніка. Трапіла па галаве
У Мінску пройдзе фестываль агню