U Mahilovie paśla hibieli rabotnika atrakcyjona zaviali kryminalnuju spravu suprać dyrektara
Mahiloŭski mižrajonny adździeł Śledčaha kamiteta zavioŭ kryminalnuju spravu ŭ dačynieńni da 56‑hadovaha dyrektara arhanizacyi adpačynku i zabaŭ, dzie zahinuŭ 18‑hadovy stažor.
Spravu pačali pavodle artykuła ab słužbovaj chałatnaści, jakaja ź nieaściarožnaści paciahnuła śmierć čałavieka.
Jak paviedamlałasia raniej, trahiedyja adbyłasia 1 maja na atrakcyjonie ŭ Mahilovie. Małady čałaviek prachodziŭ navučańnie na pasadu apieratara atrakcyjonaŭ. Padčas pracy jon dapamahaŭ naviedvalniku biaśpiečna pakinuć karusiel i nie zafiksavaŭ pracoŭny miechanizm. U hety momant jaho začapiła ruchomaja častka atrakcyjona.
U vyniku incydentu chłopiec atrymaŭ ciažkuju traŭmu hałavy i pamior.
Asnoŭnaj viersijaj zdareńnia ličycca parušeńnie pravił techniki biaśpieki.
Čytajcie taksama:
U Mahilovie ŭ parku atrakcyjonam zabiła 18‑hadovaha rabotnika. Trapiła pa hałavie
U Minsku projdzie fiestyval ahniu