ЗША выдзеляць 100 мільёнаў даляраў на аднаўленне бяспекі саркафагу на Чарнобыльскай АЭС
Пра намер ЗША моцна ўкласціся ў ядзерную бяспеку паведаміла ў сваіх сацсетках амбасада ЗША ў Мінску.
Фота: x.com/USEmbBy
«Злучаныя Штаты актыўна бяруць на сябе абавязацельства выдзеліць да 100 мільёнаў даляраў у рамках скаардынаваных намаганняў краін G7 з мэтай забяспечыць далейшую надзейную ізаляцыю ядзерных матэрыялаў, здольных да расшчаплення, на Чарнобыльскай атамнай электрастанцыі ва Украіне.
Па ацэнцы G7, кошт аднаўлення аркі Новага бяспечнага канфайнмента, пашкоджанай у выніку ўдару беспілотніка ў мінулым годзе падчас бессэнсоўнай вайны паміж Расіяй і Украінай, складае 500 мільёнаў даляраў.
Мы заклікаем нашых партнёраў па G7 і еўрапейскія краіны рушыць услед гэтаму прыкладу і ўзяць на сябе значныя фінансавыя абавязацельствы, каб сумесна падзяліць цяжар гэтых жыццёва неабходных рамонтных работ», — паведамляе амбасада ЗША ў Беларусі.
Чытайце таксама:
На Чарнобыльскай АЭС папярэдзілі, што абарончы саркафаг можа не вытрымаць новага расійскага ўдару
МАГАТЭ: Саркафаг на Чарнобыльскай АЭС пасля ўдару беспілотніка страціў асноўныя функцыі бяспекі